سابق وزیر اعظم اور پیپلز پارٹی وسطی پنجاب کے صدر راجہ پرویز اشرف نے پاکستان پر بھارت کے بزدلانہ حملے کی شدید مذمت کرتے ہوئے کہا ہے کہ شب خون مارنے والےبزدل دشمن کو کرارا جواب دینے پر پاک فوج کو خراج تحسین پیش کرتے ہیں،پاک فوج نےبھارت کے 5طیارے،بریگیڈ اور بٹالین ہیڈ کوارٹرز تباہ کر کے انہیں اوقات یاد دلا دی۔ڈابق وزیر اعظم نے کہا کہ پاکستان کی شہری آبادی پر بھارتی بمباری جنیوا کنونشن کی کھلی خلاف ورزی ہے،پاکستانی فوج اور عوام اپنی سرزمین کا دفاع کرنا اچھے طریقے سے جانتے ہیں۔انہوں نے مذید کہا کہ مکار دشمن کو بین الاقوامی برادری میں بھی منہ کی کھانا پڑی ہے، اقوام متحدہ اور امریکی صدر کے بیانات مودی سرکار کیلیے وارننگ ہے ،راجہ پرویز اشرف نے کہا کہ عالمی برادری نے بھارتی جارحیت کا نوٹس نہ لیا تو پاکستان اپنے دفاع پر مجبور ہو گا.