بلاول بھٹو زرداری کے اکاؤنٹ کو بلاک کرنے پر بلاول ہاؤس کا شدید ردعمل
بلاول بھٹو زرداری کے اکاؤنٹ کو بلاک کرنے پر بلاول ہاؤس کا شدید ردعمل
بلاول بھٹو زرداری کے اکاؤنٹ کو بلاک کرنے پر بلاول ہاؤس کا شدید ردعمل
بلاول ہاؤس کے ترجمان سریندر ولاسائی نے بھارت کی جانب سے پیپلز پارٹی کے چیئرمین بلاول بھٹو زرداری کے ایکس (ٹوئٹر) اکاؤنٹ کو معطل کرنے کے اقدام پر سخت ردعمل ظاہر کیا ہے۔ ترجمان نے کہا کہ یہ اقدام ثابت کرتا ہے کہ بھارتی وزیراعظم نریندر مودی چیئرمین بلاول بھٹو زرداری سے خوفزدہ ہیں۔ انہوں نے مزید کہا کہ بھارت ایک غیرجمہوری ملک ہے اور مودی انتہائی بزدلانہ رویے کا مظاہرہ کررہے ہیں۔
ترجمان بلاول ہاؤس نے کہا کہ چیئرمین بلاول بھٹو زرداری کے پہلگام معاملے پر دیے گئے بیانیے نے مودی کو اتنا پریشان کردیا کہ انہوں نے انتقامی کارروائی کرتے ہوئے ان کا اکاؤنٹ بلاک کردیا۔ انہوں نے اس اقدام کو "شترمرغ کا ریت میں سر دبانے" کے مترادف قرار دیا۔
انہوں نے مزید کہا کہ بلاول بھٹو زرداری وہی ہیں جنہوں نے گجرات کے قصائی کو پہلی بار دنیا کے سامنے بے نقاب کیا تھا۔ ترجمان نے واضح کیا کہ چیئرمین بلاول بھٹو زرداری جنگی جنون میں مبتلا مودی کو مسلسل آئینہ دکھاتے رہیں گے اور ان کے غیرجمہوری اقدامات کو بے نقاب کرتے رہیں گے۔
یہ اقدام بھارت کی جانب سے ایک اور ایسی کارروائی ہے جو اس کے جمہوری اقدار کے دعوؤں کو مشکوک بناتی ہے۔ بلاول ہاؤس کا موقف ہے کہ سچائی کو دبانے کی کوششیں کبھی کامیاب نہیں ہوسکتیں اور بلاول بھٹو زرداری جیسے رہنما ہمیشہ ظلم کے خلاف آواز اٹھاتے رہیں گے۔
No comments yet.