دارالعلوم حقانیہ میں نماز جمعہ کے دوران دھماکا، مولانا حامدالحق شدید زخمی
ابتدائی اطلاعات کے مطابق دھماکا خودکش ہے، آئی جی خیبرپختونخوا
خیبرپختونخوا کے ضلع نوشہرہ کے دارالعلوم حقانیہ اکوڑہ خٹک میں نماز جمعہ کی ادائیگی کے دوران دھماکا ہوا ہے۔
پولیس کے مطابق دارالعلوم حقانیہ اکوڑہ خٹک میں دھماکے میں میں مولانا سمیع الحق کے صاحبزادے اور جے یو آئی (س) کے سربراہ مولانا حامدالحق زخمی ہوئے ہیں۔
سماء سے گفتگو میں آئی جی خیبرپختونخوا ذوالفقار حمید نے کہا کہ ابتدائی اطلاعات کے مطابق دھماکا خودکش ہے۔ دھماکے میں ایک سے2 افراد کی شہادت کی اطلاع ہے، مولانا حامدالحق کی حالت تشویشناک ہے۔
ان کا کہنا تھا کہ دھماکے کے وقت 25 پولیس اہلکار سیکیورٹی پر تعینات تھے۔ حملے سے متعلق کوئی مخصوص تھریٹ الرٹ نہیں تھا۔
No comments yet.