وزیر اعظم شہباز شریف اور آئی ایم ایف وفد کی ملاقات، معاشی اصلاحات پر اطمینان کا اظہار
آئی ایم ایف کے ساتھ اہم مذاکرات، پاکستان کی معاشی ترقی پر مثبت تبادلہ خیال
"
اسلام آباد: وزیرِ اعظم محمد شہباز شریف سے عالمی مالیاتی ادارے (آئی ایم ایف) کے وفد کی قیادت کرنے والے جہاد اظہور (Jihad Azour) کے ہمراہ ایک اہم ملاقات ہوئی۔ اس ملاقات میں وفاقی وزراء احد خان چیمہ، محمد اورنگزیب، سیکریٹری خزانہ امداد اللہ بوسال، چیئرمین ایف بی آر راشد محمود لنگڑیال اور دیگر متعلقہ اعلیٰ حکام نے شرکت کی۔
ملاقات کے دوران پاکستان میں جاری آئی ایم ایف کے پروگرام پر تفصیلی گفتگو ہوئی۔ دونوں فریقوں نے حکومت کی جانب سے آئی ایم ایف پروگرام کے تحت معاشی اصلاحات پر عملدرآمد اور حاصل ہونے والے مثبت نتائج پر اطمینان کا اظہار کیا۔ وزیرِ اعظم نے واضح کیا کہ اللہ کے فضل و کرم سے پاکستان معاشی استحکام کے بعد ترقی کی راہ پر گامزن ہے۔ انہوں نے زور دیا کہ حکومت کی اولین ترجیح میکرو اکنامک سطح پر اصلاحات کے ساتھ ساتھ ادارہ جاتی اصلاحات کو بھی تیز کرنا ہے۔
آئی ایم ایف کے وفد نے پاکستان کی معاشی اصلاحات، استحکام اور ترقی کے سلسلے میں اپنا تعاون جاری رکھنے کا عزم دہرایا۔ دونوں طرفوں کے درمیان ہونے والی اس بات چیت سے معاشی تعاون اور پائیدار ترقی کے نئے راستے کھلنے کی امید پیدا ہوئی ہے۔
No comments yet.