چیئرمین سینیٹ سید یوسف رضا گیلانی نے کہا ہے کہ بین المذاہب ہم آہنگی کے لیے پاکستان کے غیر متزلزل عزم کا اعادہ کرتے ہوئے متنوع مذہبی برادریوں کے درمیان بات چیت، رواداری اور باہمی احترام کو فروغ دینے کے لیے قوم کے عزم پر زور دیا۔ انہوں نے ایک مربوط معاشرے کی تعمیر کے لیے افہام و تفہیم اور تعاون کی اہمیت کو اجاگر کرتے ہوئے کہا کہ پاکستان، جس کا تصور اس کے بانی نے تمام عقائد کے لیے ایک پناہ گاہ کے طور پر کیا تھا، ہر شہری کے عقیدے، وقار اور مساوات کے حق کے تحفظ کے لیے اپنے آئینی حلف پر ثابت قدم ہے۔ ان خیالات کا اظہار انہوں نے روم میں پوپ لیو کی تقریب حلف برداری میں شرکت کیلئے روانگی سے قبل ذرائع ابلاغ کے نمائندوں سے بات چیت کرتے ہوئے کیا۔

 چئیرمین سینیٹ پوپ لیو کی حلف برداری کی تقریب میں پاکستان کی نمائندگی کریں گے۔ 

چئیرمین سینٹ نے کہا کہ پاکستان کا بین المذاہب ہم آہنگی کے فروغ کا عزم واضح کرنا چاہتا ہے۔

یاد رہے کہ وزیراعظم نے چئیرمین سینیٹ یوسف رضا گیلانی کو دورہ روم کیلئے نامزد کیا۔